Медициналық зертханашы

Медициналық зертханашы

Зертханашы - зертханалық талдауларды жүргізетін және олардың нәтижелерін рәсімдейтін маман.

Зертханашы міндетіне мыналар жатады:

- Жалпы клиникалық зертханалық зерттеулер жүргізу;

- Биохимиялық зертханалық зерттеулер жүргізу;

- Гистологиялық зертханалық зерттеулер жүргізу.

Әрқайсымыз өмірдің әр кезеңінде денсаулығымызбен байланысты проблемаларға тап болдық. Әр дәрігер ауруды анықтау үшін пациенттерді алдымен түрлі анализ тапсыруға жібереді. Сонымен алынған анализдердің диагностикасын медициналық зертханашының дәл өзі жүргізеді.

Біліктілік өте қиын, алайда сұранысқа ие.

Осы біліктілік бойынша ойдағыдай білім алу үшін және одан әрі жұмыс істеу үшін студент химия, биология, математика негіздерін білуі қажет.

Орта есеппен алғанда жас маманның жалақысы 80-100 мың теңге аралығында.

Зертханашы адамдардан гөрі техникамен көп жұмыс істейді. Сондықтан жауапкершілік, ұқыптылық, табандылық сияқты қасиеттерге ие болуы керек.

Жоғары деңгейдегі маман болу үшін университетте оқуын жалғастыру қажет. Сондай-ақ басқа да мамандар сияқты зертханашы да біліктілігін арттыруға назар аударғаны жөн, өз мамандығы бойынша баспасөз бен әдебиеттерді оқып, курстар мен семинарларға қатысқаны да жөн.

Жас маман сараптама жүргізуге арналған жаңа жабдықтың құрылысын білмеуі, шұғыл жұмыстың үлкен көлемі сияқты қиындықтарға тап болуы мүмкін.

Осы мамандықтың артықшылығы - аралас салаларды меңгеру, мамандандыру және дамыту мүмкіндігінде, сондай-ақ адамдарға көмектесе алуында.